Dumangas, Iloilo – Timbog ang isang lalaking nagbebenta ng unlicensed firearm sa isinagawang entrapment operation sa Barangay Balabag, Dumangas, Iloilo nito lamang ika-25 ng Hulyo, 2022.
Kinilala ni Police Major Raquil Guardaya, Chief ng Criminal Investigation and Detection Group Iloilo Provincial Filed Unit, ang mga suspek na si Rhemhon Sonza Dumancas, 36, residente ng Sitio Ilaya, Barangay Patlad, Dumangas, Iloilo.
Ayon kay Police Major Guardaya, ang suspek ay naaresto matapos magbenta ng baril sa isang poseur buyer matapos tumanggap ng buy-bust money na nagkakahalaga ng Php5,000.
Ayon pa kay PMaj Guardaya, nakumpiska sa suspek ang isang piraso ng Caliber 38 revolver Smith and Wesson, camouflage body bag at buy-bust money.
Ang operasyon ay naging matagumpay sa pinagsamang pwersa ng CIDG Iloilo PFU, CIDG 6 Regional Special Operating Team, Dumangas MPS, at Iloilo Maritime Police Station.
Ang akusado ay nahaharap sa kasong paglabag sa RA 10591 o ang Comprehensive Firearms and Ammunition Regulation Act.
Patuloy ang kampanya ng PNP laban sa lahat ng uri ng kriminalidad upang mapanatili ang maayos at ligtas ang komunidad.
###
