Surigao City – Arestado ang suspek sa pamamaril sa agarang pagresponde ng Surigao City PNP sa Purok Bagong Silang 1, Brgy. Washington, Surigao City nito lamang Sabado, Hulyo 23, 2022.
Kinilala ni Police Lieutenant Colonel Diomedes Cuadra, Chief of Police ng Surigao City Police Station, ang naaresto na si Rovinelle Matildo, 42, may asawa, miyembro Ng Philippine Coast Guard at residente ng Purok Bagong Silang 1, Brgy. Washington, Surigao City.
Ayon kay PLtCol Cuadra, bandang 11:15 ng gabi nang makatanggap nang tawag ang istasyon tungkol sa isang shooting incident na nangyari sa naturang lugar.
Patay na nang madatnan ng pulisya ang biktimang kinilala na si Rolly Beberino, nasa hustong gulang, may asawa at residente ng Purok 2, Barangay Togbongon, Surigao City.
Narekober sa Crime Scene ang isang Government Issued Colt caliber .45 pistol M1911 na may Serial Number na 528647 na may laman na apat na live ammunition, isang live ammunition ng caliber .45, at dalawang fired cartridge ng caliber .45.
Narekober naman mula sa biktima ang anim na piraso ng live ammunition ng caliber .45, dalawang yunit ng cellphone, at mga personal na kagamitan.
Samantala, batay sa inisyal na imbestigasyon ng Surigao City PNP, napadaan lamang ang biktima kasama ang isa pa na sakay ng isang motorsiklo ng hindi ito makadaan ay nagpaputok ito ng dalawang beses at tinutukan ng baril ang anak ng suspek.
Tinungo naman ng suspek ang kanyang anak upang tulungan ito nang biglang ibaling ng biktima ang kanyang baril sa suspek na naghudyat sa suspek na paputukan ang biktima.
Ang Surigao City PNP ay patuloy sa panawagan na maging kalmado at huwag ilagay sa kamay ang batas.
###
Panulat ni Patrolman Jhunel Cadapan/ RPCADU13
