Cebu City – Umabot sa Php3,400,000 halaga ng shabu ang nasabat sa buy-bust operation ng PNP nito lamang Lunes, Hulyo 25, 2022.
Kinilala ni Police Brigadier General Randy Q Peralta, Director ng PNP DEG ang suspek na si Melvin Guliman Arnado a.k.a. Tating, 26, walang asawa residente ng Sitio Calapukan, Brgy. Carreta, Cebu City.
Ayon kay PBGen Peralta, naaresto ang suspek bandang alas-3:00 ng umaga sa Soriano Street Sitio Ponce 1, Brgy. Carreta, Cebu City ng mga operatiba ng PNP Drug Enforcement Group, Special Operations Unit 7 at Station 4, Cebu City Police Office at PDEA Regional Office 7.
Nakumpiska mula sa suspek ang 20 pirasong heat-sealed plastic na naglalaman ng hinihinalang shabu na may bigat na 500 gramo at may Standard Drug Price na Php3,400,000, isang genuine Php500 pesos bill na may serial number NQ155397 bilang buy-bust money, isang berdeng bag, at isang dilaw na sako.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang kampanya ng PNP laban sa ilegal na droga at iba pang krimen upang mapanatili ang maayos at ligtas ang komunidad.
Source: PNP DEG
###
Panulat ni PSMS Marisol A Bonifacio
