Bicutan, Taguig City — Tinatayang Php100,640 na halaga ng shabu ang nakumpiska sa isang suspek sa buy-bust ng Taguig City Police Station nito lamang Sabado, Hulyo 23 , 2022.
Kinilala ni PBGen Jimili L Macaraeg, SPD Director, ang suspek na si Gardo Munib y Tambak alyas“Gardo”, 30 taong gulang.
Ayon kay PBGen Macaraeg, bandang alas-8:00 ng gabi naaresto si Munib sa harap ng #278 Roldan St. Brgy New Lower, Bicutan, Taguig City ng mga operatiba ng Station Drug Enforcement Unit ng Taguig CPS.
Nakumpiska mula kay Munib ang apat na heat-sealed transparent plastic sachet na hinihinalang shabu na tumitimbang ng higit kumulang 14.8 gramo na may Standard Drug Price (SDP) na Php100,640, isang kalibre .45 crimson carry II pistol na may serial number k549258, limang live ammunition ng kalibre .45, isang tunay na Php1000 na buy-bust money, pitong Php1000 na boodle money, isang green sling bag, isang expired na permit to carry (PTC) ID, isang License to Own and Posses Firearm (LTOPF) ID, at isang Firearm Registration card.
Mahaharap si Munib sa kasong paglabag sa RA 9165 o Comprehensive Dangerous Drug Act of 2002 at RA 10591 o Comprehensive Firearms and Regulation Act.
Tiniyak ni PBGen Macaraeg, na ang kapulisan sa Southern Metro ay patuloy na paiigtingin ang kampanya laban sa ilegal na droga at mas lalong hihigpitan ang panghuhuli sa mga indibidwal na nagdadala ng baril lalo na ngayong gaganaping unang SONA ni President Ferdinand “Bongbong” Marcos Jr.
Source: SPD PIO
###
Panulat ni PSSg Remelin Gargantos
