Anda, Bohol – Matagumpay na isinagawa ng mga tauhan ng Anda Municipal Police Station ang Proyektong “Balay sa Kabus” sa Sitio Calayugan, Badiang, Anda, Bohol nito lamang Sabado, ika-23 ng Hulyo 2022
Ang aktibidad ay pinangunahan ng mga tauhan ng Anda Municipal Police Station sa direktang pangangasiwa ni Police Lieutenant Ponciano M Entroliso Jr, Chief of Police, katuwang ang Anda Pastoral Council, stakeholders, religious groups, volunteers at ang mga barangay officials ng lugar.
Layunin ng Anda MPS na matulungan ang mga residente na kanilang nasasakupan na lubhang naapektuhan ang mga bahay sa nagdaang pananalasa ng bagyong Odette.
Lubos naman ang tuwa at pasasalamat ng naging benipisyaryo ng naturang programa na si Mr. Bartolome Deloso sa kabutihan na ipinakita ng mga kapulisan kasama ang mga boluntaryong nakiisa upang maayos ang kanyang tahanan.
Ang naging hakbangin ng Anda MPS katuwang ang mga barangay officials, mga organisasyon at mga indibidwal ay nagpapatunay ng pagkakaisa na walang pinipiling oras upang makatulong sa ating mamamayan.
###
Panulat ni Patrolman Carl Philip L Galido
