Luna, La Union – Arestado ng mga operatiba ng La Union PNP ang Top 1 Most Wanted Person (Municipal Level) sa kasong paglabag sa RA 9165 nito lamang Sabado, Hulyo 23, 2022.
Kinilala ni Police Major Ronald Allan A. Rupisan, Chief of Police ng Luna Municipal Police Station, ang suspek na si Roger Berzabal y Ballucanag, 38, residente ng Brgy. Cantoria #1, Luna, La Union.
Ayon kay Police Major Rupisan, naaresto ang suspek bandang 3:50 ng hapon sa isang tahanan kung saan siya ang caretaker sa Brgy. Caridad Ibaba, Atimonan, Quezon ng mga operatiba ng Luna Police Station at La Union Provincial Intelligence Unit.
Ayon pa kay Police Major Rupisan, naaresto ang suspek sa bisa ng Warrant of Arrest sa kasong paglabag sa Section 11 ng RA 9165 o Comprehensive Dangerous Drugs Act of 2002 na may inirekomendang piyansa na Php200,000.
Patuloy naman ang La Union PNP sa paghuli sa mga taong nagkasala sa batas upang managot ang mga ito sa mga kasalanan na kanilang ginawa at alang alang sa kaligtasan at katahimikan ng bawat mamamayan.
Source: Luna Municipal Police Station
###
Panulat ni Patrolman Viljon Comilang
