Guindulman, Bohol – Nagsagawa ng Coastal Clean-up Drive ang mga tauhan ng Guindulman Municipal Police Station sa Sitio Punta, Barangay Tabajan, Guindulman, Bohol nito lamang umaga ng Biyernes ika-22 ng Hulyo 2022.
Ang nasabing aktibidad ay pinangunahan ng Guindulman MPS sa direktang pangangasiwa ni Police Lieutenant Jose Leander R Velasquez, OIC, katuwang ang LGU Guindulman, Philippine Coast Guard, MDRRMO, Barangay Officials at ang iba’t ibang ahensya ng gobyerno sa Guindulman Bohol.
Ang aktibidad ay isinagawa bilang pakikiisa sa pagdiriwang ng ika-168 Bohol Day Celebration at sa ika-27th Police Community Relations Month Celebration at alinsunod na rin sa PNP Core Values na “Makakalikasan”.
Ang naging hakbang ng Guindulman PNP katuwang ang mga iba’t ibang ahensya ng pamahalaan ay ninanais na mapanatili ang kalinisan at manumbalik ang kagandahan ng ating kalikasan upang maging ligtas ang mamamayan sa anumang sakuna dulot ng pagkasira ng likas na yaman.
###
Panulat ni Patrolman Carl Philip Galido
