Zamboanga del Norte – Arestado ang isang indibidwal sa isinagawang Manhunt Charlie Operation ng Zamboanga PNP nito lamang Hulyo 22, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Unit 9, ang suspek na si Mateo Jamendang y Gumias, 45, binata, residente ng Brgy. Biayon, Sergio Osmeña, Zamboanga del Norte.
Ayon kay PCol Encinareal, bandang 9:55 ng umaga nang naaresto ang suspek sa nabanggit na lugar ng mga operatiba ng Crimininal Investigation and Detection Unit 9 sa bisa ng Warrant of Arrest sa kasong Robbery.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
