Zamboanga del Sur – Arestado ang miyembro ng Communist Terrorist Group (CTG) sa isinagawang Manhunt Charlie Operation ng Zamboanga PNP nito lamang Hulyo 22, 2022.
Kinilala ni Police Brigadier General Franco Simborio, Regional Director ng Police Regional Office 9, ang naarestong suspek na si alyas “Junifer”, 65, may asawa, magsasaka, residente ng Purok 2, Brgy. Datagan, Guipos, Zamboanga Del Sur.
Ayon kay PBGen Simborio, bandang 9:40 ng umaga nang naaresto ang suspek sa Brgy Poblacion, Guipos, Zamboanga del Sur sa pinagsanib na puwersa ng Regional Intelligence Division 9, Philippine Army, Regional Mobile Force Battalion 9 sa bisa ng Warrant of Arrest sa kasong Multiple Frustrated Homicide na may inirekomendang piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
