Orion, Bataan – Inilunsad ng 2nd Bataan Provincial Mobile Force Company ang Talipapa Project para sa mga katutubong Aeta sa Barangay San Vicente, Orion, Bataan nito lamang Hulyo 21, 2022.
Ang nasabing proyekto ay pinangunahan ni Police Lieutenant Colonel Crizalde M Conde, Force Commander ng 2nd Bataan PMFC at pinamunuan ni Police Colonel Romell A Velasco, Acting Provincial Director ng Bataan Police Provincial Office.
Ang nasabing proyekto ay may temang “Talipapa para sa mga Kapatid na Aeta, Tulong Kabuhayan sa Panahon ng Pandemya”.
Ayon kay PLtCol Conde, laking pasasalamat ng mga katutubong Aeta sa PNP dahil sa oportunidad na mapansin ang kanilang produkto at matulungan silang maibenta sa mga residente ng nasabing lugar.
Layunin ng nasabing proyekto na mabigyan ang mga katutubong Aeta ng hanapbuhay para pantustos sa kanilang pang araw-araw na pangangailangan lalo na ngayong panahon ng pandemya.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at ng komunidad.
Source: 2nd PMFC, Bataan PPO
###
Panulat ni Police Corporal Jeselle V Rivera
