Southern Leyte – Nakatanggap ang mga Persons with Disability at solo parent ng tulong mula sa 1st Southern Leyte Provincial Mobile Force Company sa Brgy. Beniton, Bontoc, Southern Leyte noong Huwebes, Hulyo 21, 2022.
Ang aktibidad ay pinangunahan ni Police Lieutenant Colonel Geraldo Benjamin A Avengoza, Force Commander ng 1st Southern Leyte Provincial Mobile Force Company kasama si Police Lieutenant John Michael D Crispino.
Ang naturang aktibidad na ito ay bilang pakikiisa sa pagdiriwang ng National Disability Prevention & Rehabilitation Week tuwing ika-3 ng Linggo ng Hulyo alinsunod sa Proclamation No. 361.
Bukod dito, upang mabigyan ng mobility ang taong may pisikal na kapansanan sa barangay, isang unit ng wheelchair ang tinanggap din ng mga opisyal ng barangay sa pamumuno ni Hon. Floro C Manding-Brgy. Captain.
May kabuuang 35 na benipisyaryo ang nakatanggap ng groceries at hygiene kits na makakatulong sa kanilang pangunahing pangangailangan.
Ang nasabing pagsisikap ay hindi magiging posible kung wala ang patuloy na suporta ni Dir. Lord Byron Torrecarion, Regional Director ng Office of the Civil Defense 8.
Ang hakbangin na ito ng kapulisan ng 1st Southern Leyte PMFC ay nagpapakita lamang ng pagmamalasakit at pagmamahal sa mga kababayang may kapansanan at mga solo parent.
###
Panulat ni Patrolwoman Rialyn B Valdez
