Eastern Samar – Nagsagawa ang mga kapulisan ng Giporlos Municipal Police Station ng feeding program sa Brgy. Paya, Giporlos, Eastern Samar noong Huwebes, Hulyo 21, 2022.
Ito ay pinangunahan ni Police Lieutenant Bernabe M Belew, Officer-In-Charge ng Giporlos MPS kasama ang mga miyembro ng Barangay Peacekeeping Action Teams at sa aktibong suporta ng Municipal Mayor’s Office at mga barangay officials.
Ang programa ay alinsunod sa ika-27th Police Community Relations Month celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Ang 30 na mga bata ay nahandugan ng tinapay, rice soup, hard-boiled egg, juice at face mask.
Layunin ng programang ito na ilapit ang ahensya ng gobyerno sa publiko at palakasin ang pagkakaisa ng komunidad lalo na sa mga panahong ito ng pagsubok.
###
Panulat ni Patrolwoman Rialyn B Valdez
