Tinglayan, Kalinga – Tinatayang Php3 milyong halaga ng marijuana ang binunot at sinunog ng PRO COR sa isinagawang 3-Day Marijuana Eradication sa apat na plantasyon sa Brgy. Buscalan, Tinglayan, Kalinga nito lamang Hulyo 19-21, 2022.
Ayon kay PCol Peter M Tagtag Jr., Acting Provincial Director, Kalinga PPO, naging matagumpay ang operasyon dahil sa mga pinagsanib operatiba ng Provincial Drug Enforcement Unit/Provincial Intelligence Unit ng Kalinga PPO, RID PROCOR, Philippine Drug Enforcement Agency Cordillera, PDEA Kalinga, Tinglayan MPS, Balbalan MPS, Kalinga 2nd Provincial Mobile Force Company at ng Naval Forces Northern Luzon alinsunod sa IMPLAN Man-gabut.
Dagdag pa ni PCol Tagtag, 15,000 piraso ng Fully Grown Marijuana Plants na may Standard Drug Price na Php3,000,000 ang agad na binunot at sinunog sa naturang lugar na may kabuuang 1,500 square meter land area.
Ang nasabing lugar ay mahirap puntahan kung saan ilang oras pa itong nilakbay ng mga operatiba ngunit hindi ito naging hadlang maisagawa lamang at mapagpatuloy ang mga operasyon kontra ilegal na droga sa buong probinsya ng Kalinga.
Source: Kalinga PPO
###
Panulat ni Patrolman Josua Reyes
