Calapan, Oriental Mindoro – Narekober ng mga otoridad ang ilang gamit pandigma na pinaniniwalaang pagmamay-ari ng Communist Terrorist Group (CTG) sa Sitio Libis, Brgy. Conrazon, Bansud, Oriental Mindoro noong Miyerkules, Hulyo 20, 2022.
Kabilang nga dito ang isang kalibre .38 revolver pistol, mga bala, mga sangkap ng Improvised Explosive Device (IED), mga subversive documents at mga personal na gamit ng nasabing grupo.
Ayon Kay Police Brigadier General Sidney Hernia Regional Director, Police Regional Office MIMAROPA ang mga narekober ay resulta ng pinagsanib na pwersa ng Intelligence ng 10th Special Action Battalion ng PNP-SAF kasama ang 403rd B Maneuver Company ng Regional Mobile Force Battalion 4B, Bansud Municipal Police Station, Regional Intelligence Unit 4B, at 203rd Infantry Brigade, Philippine Army.
Pinuri ni RD Hernia ang mga operating unit at hinimok sila na ipagpatuloy ang kampanya laban sa insurhensiya sa ilalim ng National Task Force to End Local Communist Armed Conflict.
Source – RPIO MIMAROPA
###
Panulat ni Patrolman Joebet Balana
