Kabankalan City, Negros Occidental – Nakumpiska sa dalawang suspek ang nasa Php1.1 milyong halaga ng shabu sa isinagawang PNP drug buy-bust operation noong Hulyo 21, 2022.
Kinilala ni Police Lieutenant Eric B De Ocampo, Team Leader ng Special Operations Unit 6, PNP Drug Enforcement Group, ang dalawang suspek na sina Jomy Consular y Dela Cruz aka “Toto”, 42, single at si Leosella Consular y Cuenca alyas “Shela”, 27, single, parehong mga residente ng Sitio Linag-asan, Brgy. Hilamonan, Kabankalan City, Negros Occidental.
Ayon kay PLt De Ocampo, nahuli ang mga suspek sa Hacienda Road. Brgy. Camugao, Kabankalan City, Negros Occidental ng pinagsamang operatiba ng Special Operations Unit 6, PNP Drug Enforcement Group katuwang ang Station Drug Enforcement Team ng Kabankalan Component City Police Station at ng Provincial Drug Enforcement Unit, Negros Occidental sa pakikipagtulungan sa Philippine Drug Enforcement Agency 6.
Nakumpiska sa mga mga ito ang isang knot tied transparent plastic sachet at 24 pirasong heat-sealed transparent plastic sachet na may bigat na humigit kumulang 170 gramo ng hinihinalang Shabu na may Standard Drug Price na Php1,156,000, isang piraso ng Php1000 bill, isang pirasong coin purse, isang maroon sling bag, dalawang android phones at isang Kawasaki Bajaj tricycle.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Samantala pinuri naman ni Police Colonel Leo B Pamittan, Acting Provincial Director ng Negros Occidental, ang mga operatiba sa matagumpay na operasyon at tiniyak na hindi titigil ang pambansang pulisya sa pagtugis sa iba’t ibang sindikato ng droga sa buong probinsya ng Negros Occidental.
###
