Eastern Samar – Nagsagawa ng community outreach program ang mga tauhan ng 1st Eastern Samar Provincial Mobile Force Company sa Brgy. Solong, Can-avid, Eastern Samar nito lamang Hulyo 20, 2022.
Ang programa ay pinangunahan ng PCAS Team sa pangunguna ni Police Lieutenant Angelyn Glou A Cortado, Admin at PCAS Officer sa ilalim ng pangangasiwa ni Police Lieutenant Colonel Joy G Leanza, Force Commander kasama ang Advocacy Support Group at Force Multipliers ng Brgy. Solong na pinamumunuan ni Hon. Efren Capada, Punong Brgy.
Ang Brgy. Solong ay isang Geographically Isolated at Disadvantaged Areas at ito ay mararating sa pamamagitan ng isang oras na biyahe sa pamamagitan ng pagtawid sa malubak at hindi sementadong daan mula sa municipal proper.
Tinatayang 70 na kabataan ang nabigyan ng mga krayola at mga coloring book, snack bar at juice sa pamamagitan ng Mobile Canteen at sa libreng gupit na tinaguriang “Libre Nga Arot Kan FC Sagot” ng 1st Eastern Samar PMFC.
Lubos ang pasasalamat naman ni Hon. Capada at mga magulang ng naging benipisyaryo ng programang ito sa kanilang natanggap na tulong mula sa PNP.
Layunin ng 1st Eastern Samar PMFC na mapasaya at matulungan ang mga kabataan at ipadama ang pagmamahal at malasakit sa kanila ng kapulisan.
###
Panulat ni Patrolwoman Rialyn B Valdez
