Calinog, Iloilo – Arestado ng mga operatiba ng 602nd Company ng Regional Mobile Force Battalion 6 ang Top 1 Most Wanted Person (Regional Level) sa kasong Rape sa Calinog, Iloilo nito lamang Hulyo 20, 2022.
Kinilala ni Police Major German R Magbanua III, Company Commander, ng 602nd Company, RMFB6, ang suspek na si Joel Leyble y Casiño, 29, single, residente ng Brgy. Toyungan ng naturang bayan.
Ayon kay PMaj Magbanua III, nahuli ang suspek sa pinagsanib na pwersa ng Regional Intelligence Division 6; Iloilo Provincial Intelligence Team; Calinog at Lambunao MPS; 2nd Iloilo PMFC; 603rd Coy at 606th Coy, RMFB 6; katuwang ang 12th Infantry Battalion, 3rd Infantry Division, Philippine Army at Philippine Air Force.
Ayon kay PMaj Magbanua III, ang suspek ay inaresto sa bisa ng Warrant of Arrest sa kasong 3 Counts ng Rape (RPC ART 266-A) na walang piyansang inirekomenda.
Agad na dinala ang suspek sa Calinog Municipal Police Station para sa karagdagang dokumentasyon.
Samantala, tiniyak naman ni PMaj Magbanua III ang publiko na hindi sila titigil sa pagpapatupad ng mas pinaigting na kampanya laban sa kriminalidad lalo na sa pagtugis sa mga most wanted individual hindi lang sa probinsya ng Iloilo kundi sa buong rehiyon ng Western Visayas.
###
