Pilar, Bohol – Nagsagawa ng Community Outreach Program na “Palugaw at pa-Candy ni Hepe” ang mga tauhan ng Pilar Municipal Police Station sa Barangay San Vicente, Pilar, Bohol nito lamang ika-19 ng Hulyo 2022.
Ang aktibidad ay pinangunahan ni Police Lieutenant Georgie Tapang Sarabosing, Hepe ng Pilar MPS katuwang ang mga tauhan nito.
Mahigit sa 100 na mga bata ang nahandugan ng libreng lugaw, mga food packs at libreng gupit mula sa mga kapulisan ng Pilar, Bohol.
Layunin ng aktibidad na mapasaya ang mga bata at alinsunod sa kanilang pakikiisa sa ika-27th Police Community Relations Month Celebration na may temang “Ugnayang Pulisya at Komunidad tungo sa Mapayapa, Maayos at Maunlad na Pamayanan”.
Tinitiyak naman ng Pilar PNP na patuloy silang maghahandog ng mga tulong para sa kanilang mga nasasakupan upang ipadama at tunay na malasakit at pagmamamahal ng Pambansang Pulisya.
###
Panulat ni Patrolman Carl Philip L Galido
