Zamboanga City – Arestado ang isang lalaki sa isinagawang Manhunt Charlie Operation ng Zamboanga PNP nito lamang Hulyo 19, 2022.
Kinilala ni Police Colonel Alexander Lorenzo, City Director Ng Zamboanga City Police Office, ang suspek na si Darwis Piccio Arabani, 40, may asawa at residente ng Ranchez Drive, Brgy. Baliwasan, Zamboanga City.
Ayon kay PCol Lorenzo, bandang 8:50 ng umaga nang naaresto ang suspek sa Gov Lim Avenue, Barangay Zone I, Zamboanga City ng mga operatiba ng Zamboanga City Police Office- Station 11 sa bisa ng Warrant of Arrest sa kasong Illegal Possession of Firearms and Ammunitions na may inirekomendang piyansa na Php120,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
