Tuao, Cagayan – Nagsagawa ng Community Outreach Program ang Tuao PNP sa Barangay Dagupan, Tuao, Cagayan nito lamang Sabado, Hulyo 19, 2022.
Ang aktibidad ay pinangunahan ni Police Lieutenant Jennifer G Calauad, Deputy Chief of Police ng Tuao Police Station katuwang ang mga aktibong miyembro ng Kabataan Kontra Droga at Terorismo – Tuao Chapter, mga Barangay Peacekeeping Action Teams at mga Barangay Officials na pinamunuan ni Captain Rolando T Lumboy.
Ang mga grupo ay namigay ng libreng noodle soup sa mga batang pumila.
Bukod dito, sila din ay nakapagtanim ng 100 G-melina tree seedlings sa nabanggit na barangay.
Ito ay alinsunod sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan” at PNP Core Values na “Makakalikasan”.
Dagdag pa ni Police Lieutenant Calauad, ang nasabing aktibidad ay alinsunod sa programa ng Cagayan Police Provincial Office na I Love Cagayan River (Seedlings of Love) at Clean and Green: Cagayan PPO Dream.
Layunin nitong itaas ang kamalayan ng komunidad sa kahalagahan ng pagtatanim ng mga punongkahoy para maiwasan ang mabilis na pagbaha, landslide at global warming at makakapagbigay ng preskong hangin at maaliwalas na lilim.
Source: Tuao PS
###
Panulat ni Police Staff Sergeant Donabel T Dulin
