Alabel, Sarangani Province – Namahagi ng mga gamit sa eskwela ang Sarangani PNP sa mga kabataang Muslim na residente ng Purok 2, Barangay Kawas, Alabel, Sarangani Province nito lamang Martes, Hulyo 19, 2022.
Ang aktibidad ay pinangunahan ni Patrolman Bhen Archie Pangolima, Salaam PNCO na siya ding nagturo sa mga kabataan patungkol sa Inter-Cultural Communication at Kabataan Kontra Droga at Terorismo (KKDAT).
Lubos naman ang pasasalamat ng mga residente ng nasabing lugar sa mga kapulisan na nagkaloob ng mga kagamitan na kanilang mapakikinabangan sa kanilang pag-aaral.
Ang aktibidad na ito ay naglalayong mapanatili ang maayos na relasyon sa pagitan ng PNP at Muslim Community.
###
Panulat ni Patrolman Charnie Atienza Mandia
