Misamis Oriental – Tinatayang Php408,000 halaga ng shabu ang nakumpiska sa buy-bust operation ng PDEA Special Enforcement Team 10 at Gingoog City Police Station nito lamang Lunes, Hulyo 18, 2022.
Kinilala ni Police Lieutenant Colonel Mitchel Cinco Clemencio, Officer-in-Charge ng Gingoog City Police Station, ang suspek na si Heaven May Dalapag Degamo, 24, residente ng Purok 2, Barangay 24-A, Gingoog City, Misamis Oriental.
Ayon kay PLtCol Clemencio, naaresto ang suspek bandang 12:39 ng hapon sa Purok 2, Brgy. 24-A, Gingoog City, Misamis Oriental ng pinagsanib na pwersa ng Philippine Drug Enforcement Agency (PDEA)-Regional Special Enforcement Team 10, PDEA Misamis Oriental Police Provincial Office at Gingoog City Police Station.
Nakumpiska sa suspek ang 13 pirasong sachets ng hinihinalang shabu na may timbang na 60 gramo at tinatayang nagkakahalaga ng Php408,000; isang Php500 bill na ginamit bilang buy-bust money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Gingoog City PNP katuwang ang iba pang ahensya ng gobyerno ay patuloy sa pagsasagawa ng mga operasyon laban sa ilegal na droga upang makamit ang isang ligtas at payapa na pamayanan.
###
Patrolman Joshua Fajardo/ RPCADU 10
