Santa Catalina, Negros Oriental – Arestado ang Top 4 Most Wanted Person (Regional Level) at aktibong miyembro ng Communist Terrorist Group ng mga operatiba ng Regional Mobile Force Battalion (RMFB) 7 sa Sitio Nagbagang, Brgy. Poblacion, Santa Catalina, Negros Oriental nito lamang Linggo, Hulyo 17, 2022.
Kinilala ni Police Lieutenant Colonel Ronan Rodriguez Claravall, Force Commander ng Regional Mobile Force Battalion 7 ang suspek na si Charlie Lastimoso Saliganan alyas “Jory”, 29, residente ng Sitio Bayog, Brgy. Nagbinlod, Sta. Catalina, Negros Oriental, at kasalukuyang aktibong miyembro ng Communist Terrorist Group sa ilalim ng Squad 2, Platoon 1 ng SEF, KRNCBS-(D).
Ayon kay PLtCol Claravall, naaresto ang suspek bandang 11:11 ng umaga sa Sitio Nagbagang, Brgy Poblacion, Santa Catalina, Negros Oriental ng mga operatiba ng 705TH Maneuver Company RMFB7 (Lead Unit) na pinangunahan ni Police Captain Jade Asiong Basingao, 704th Maneuver Company, 61st SAC PNP SAF, Santa Catalina MPS, PNP Maritime Group Dumaguete City MARPSTA, Police Intelligence Unit, Negros Oriental Police Provincial Office at Regional Intelligence Unit 7 (Intel Provider).
Ayon kay PLtCol Claravall, naaresto si Saliganan sa bisa ng Warrant of Arrest kaugnay ng COPLAN “SUKARAP”, bilang suporta sa E.O. 70 NTF-ELCAC sa kasong 3 Counts of Murder.
Ang Regional Mobile Force Battalion 7 ay patuloy ang kampanya laban sa kriminalidad at mapanagot ang taong may pagkakasala sa batas.
###
Panulat ni Patrolman Aivan Guisadio
