Pampanga – Tinatayang Php408,000 halaga ng shabu ang nakumpiska sa buy-bust operation ng Pampanga PNP sa Sitio Dalakitan, Barangay San Matias, Sto Tomas, Pampanga nito lamang Sabado, Hulyo 16, 2022.
Kinilala ni Police Colonel Alvin R Consolacion, Acting Provincial Director ng Pampanga Police Provincial Office ang mga suspek na sina Hasimira Saripada y Razo, HVI, 35 at Norania Saripada y Maamor, 34, residente ng residente ng San Isidro Resettlement, Magalang, Pampanga.
Ayon kay PCol Consolacion, bandang 2:01 ng hapon nang naaresto ang mga suspek sa nasabing barangay ng pinagsanib na puwersa ng Provincial Drug Enforcement Unit, Pampanga PPO, 1st Provincial Mobile Force Company, Pampanga PPO, PNP Drug Enforcement Group – Special Operation Unit 3, at Sto. Tomas Municipal Police Station.
Ayon pa kay PCol Consolacion, narekober mula sa suspek ang nasa humigit kumulang 60 gramo ng hinihinalang shabu na may tinatayang halaga na Php408,000, isang 100 peso bill, isang keypad cellphone at Php2,000 na marked money.
Nahaharap ang mga suspek sa kasong paglabag sa Section 5 at 11 ng Article II ng Republic Act 9165 o Comprehensive Dangerous Drugs Act of 2002.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang bansa sa ipinagbabawal na gamot na sumisira sa kinabukasan ng mga mamamayan lalo na ang kabataan.
Source: Pampanga PPO
###
Panulat ni Police Corporal Jeselle V Rivera
