Enrile, Cagayan – Nagsagawa ang Enrile PNP ng Community Outreach Program sa Barangay Maracurru, Enrile, Cagayan noong Hulyo 16, 2022.
Ang aktibidad ay alinsunod sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Ito ay pinangunahan ni Police Lieutenant Precil M Morales, Deputy Chief of Police ng Enrile Police Station kasama ang mga miyembro ng Kaligkasan Group, Kabataan Kontra Droga at Terorismo at Brgy. Officials.
Naglunsad ng “Adopt a Family” Program sa mga kapus-palad na nasasakupan ng barangay sa pamamagitan ng pamimigay ng mga grocery packs na naglalaman ng bigas, noodles at de lata.
Nakapagtanim din ang mga grupo ng iba’t ibang fruit-bearing tree seedlings pagkatapos nagwalis at nagdamo sa kalsada.
Bukod dito, namigay din ng mga facemasks at pinaalahanan ang mga residente sa paggamit nito at pagpapanatili ng social distancing para maiwasan ang paglaganap ng COVID-19 virus.
Layunin nitong maghatid ng mga pangunahing serbisyo sa mga mamamayan upang madama nila na ang pamahalaan ay nagmamalasakit sa kanilang kapakanan at seguridad.
Source: Enrile PS
###
Panulat ni Police Staff Sergeant Donabel T Dulin
