Tinglayan, Kalinga – Nagsagawa ng Community Outreach Program ang Kalinga PNP sa Tinglayan Elementary School, Brgy. Old, Tinglayan, Kalinga nito lamang Hulyo 16, 2022.
Ang aktibidad ay pinangunahan ni Police Lieutenant Leobert O Cadingan, Deputy Chief of Police ng Tinglayan Municipal Police Station katuwang ang Hands of God Charity Works, 2nd Kalinga Provincial Mobile Force Company, Honda Click Game Changer Philippines Kalinga Chapter at mga guro ng nasabing paaralan.
Tinatayang 55 na mag-aaral ng nabanggit na paaralan ang nahandugan ng mga gamit pang-eskwela, tsinelas, at libreng pakain.
Samantala, labis naman ang pasasalamat ng mga benepisyaryo sa natanggap nilang tulong mula sa mga kapulisan at sa mga nasabing grupo.
Ang naturang aktibidad ay kaugnay pa rin sa pagdiriwang ng ika-27th PCR Month na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan.
Layunin ng aktibidad na ipadama ang malasakit at pagmamahal ng Pambansang Pulisya sa komunidad upang mapatibay ang naumpisahang magandang ugnayan.
Source: Pnp Dos Kalinga Pmfc
###
Panulat ni Patrolwoman Febelyne C Codiam
