Pasay City – Nahuli ang isang Ginang ng mga tauhan ng AVSEU-NPS1 sa kasong paglabag sa RA 10591 sa NAIA Terminal 1 nito lamang Biyernes, Hulyo 15, 2022.
Kinilala ni Police Brigadier General Andre Dizon, Director ng PNP Aviation Security Group, ang suspek na si Ginang Remedios Aquino y Palagutan, 51, naipanganak noong November 26, 1971, Filipino, may asawa, housewife, may Philippine Passport No. P7886957A at residente ng No. 4, 2nd Street, Barangay Holy Spirit, Quezon City.
Ayon kay PBGen Dizon, bandang 6:10 ng hapon nang naaresto si Aquino sa Falcon Entrance, Initial Security Screening Checkpoint, departure Area ng NAIA Terminal 1, Pasay City habang isinasagawa ni SSO Huejete P Intia, X-ray Operator nang mapansin niya ang isang “dark image” mula sa x-ray monitor na kahawig ng baril at bala sa loob ng itim na trolly bag.
Dahil dito, tinawag niya ang pansin ni SSO Carl Micheal M Mirabueno, Bagger Inspector at isinagawa ang Manual Inspection sa nasabing trolly bag kasama ang mga tauhan ng AVSEU-NPS1 sa pamumuno ni Patrolman Leandro F Bobler, Duty Patroller, AVSEU-NPS1.
Ayon pa kay PBGen Dizon, umamin si Aquino na sa kanya ang nasabing itim na trolly bag na naglalaman ng isang Caliber .22 Revolver (Smith and Wesson with impaired Serial number), anim na bala ng Caliber .22 at dalawang bala ng 9mm.
Dagdag pa ni PBGen Dizon, ang Ginang ay walang maipakitang dokumento sa nasabing baril at mga bala.
Source: AVSEU-NCR
###
Panulat ni PSMS Marisol A Bonifacio
Police Colonel Cesar T Gerante, Chief AVSEU-NCR
