Loon, Bohol – Sinaklolohan ng isang miyembro ng 702nd Mobile Company ng Regional Mobile Force Battalion 7 ang isang lalaki matapos aksidenteng masugatan ang ulo dala ng kanyang kalasingan bandang alas-7 ng umaga nito lamang Hulyo 16, 2022 sa Sitio Lawis, Catagbacan Norte, Loon, Bohol.
Kinilala ang butihing pulis na si Patrolman Perpetuo Roslinda Otida Jr. na noo’y nakaduty at ang kanyang tinulungan ay kinilala namang si Edwin Alcantara na kasalukuyang nagtatrabaho sa MAMSAR Construction and Industrial Corporation.
Ayon kay Patrolman Otida, nang makita nito si Alcantara agad nitong tinulungan ang lalaki, nilapatan ng paunang lunas, pinagpahinga, at pagkaraan ng ilang minuto, pinayuhan nito ang lalaki na pumunta sa RHU Loon para sa tamang medication.
Pinuri naman ni Police Captain Melchor M Rodriguez Jr, Company Commander ng 702nd MC si Patrolman Otida sa kanyang naging aksyon at hinihikayat naman nito ang lahat ng kanyang mga tauhan na pamarisan ang ginawa ng kanilang kasamahan.
Mensahe pa ni Police Captain Rodriguez, “Ang pagtulong sa isang tao sa panahon ng ating tungkulin ay bahagi na talaga ng ating trabaho ngunit iba ito kapag ito ay buong pusong ginagawa ng walang hinihintay na kapalit.”
Tinitiyak naman ng 702nd MC na kanilang ipagpatuloy ang mapusong pagganap ng kanilang mga tungkulin. Umapela rin ang mga ito sa publiko na huwag mag-atubiling humingi ng tulong sa kanilang yunit kung kinakailangan.
###
