Mobo, Masbate – Nagsagawa ng PNP Community Outreach Program ang mga tauhan ng Masbate 1st Provincial Mobile Force Company sa Barangay Lalaguna, Mobo, Masbate nito lamang Biyernes, Hulyo 15, 2022.
Ang naturang aktibidad ay tinatawag na “Hatag ni Abtik” na may kaugnayan sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan” na pinangunahan ni Police Lieutenant Jan Mark Quierra, Team Leader, sa ilalim ng pangangasiwa ni Police Lieutenant Colonel Norlando Mesa, Force Commander ng Masbate 1st PMFC.
Sa halip na tiket ay macaroni soup at nilagang itlog ang pinamimigay ng ating kapulisan sa mga motorista at mga dumadaan sa Checkpoint Area upang maibsan ang gutom at pagod ng mga ito.
Tuwa at saya naman ang isinukli ng mga motorista at mga taong dumadaan sa nasabing lugar.
Ang Pambansang Pulisya ay patuloy sa paghahandog ng tulong at paghahatid ng saya sa ating kapwa.
Source: Masbate 1st PMFC
###
Panulat ni Patrolman Jomar Danao
