Toledo City, Cebu – Tinatayang nasa mahigit Php7.4 milyong halaga ng shabu ang nasabat sa buy-bust operation ng mga tauhan ng Cebu Police Provincial Office nito lamang Biyernes, Hulyo 15, 2022.
Kinilala ni Police Colonel Elmer S Lim, Office-in-Charge ng Cebu Police Provincial Office, ang suspek na si Winnie Delos Santos Chow, a.k.a “Nanay”, 62, residente ng Brgy. Subayon, Toledo City, Cebu at kabilang sa High Value Individual sa rehiyon 7.
Ayon kay PCol Lim, naaresto ang suspek bandang 8:45 ng gabi sa Sta Lucia property, Brgy. Poblacion Oriental, Consolacion, Cebu ng mga operatiba ng PIU/PDEU, CPPO; 1st Provincial Mobile Force Company, Consolacion Municipal Police Station, Regional Police Drug Enforcement Unit 7, PNP DEG-SOU 7 at NISG-CENTRAL sa pangunguna ni Police Major Joey Mallare Bicoy, Acting Chief of Police ng Intelligence Unit/Police Drug Enforcement Unit, Cebu Police Provincial Office.
Nakuha mula sa suspek ang tinatayang 1,100 gramo ng hinihinalang shabu na may Standard Drug Price na Php7,480,000; 11 piraso ng large size heat-sealed transparent plastic packs na naglalaman ng white crystalline substance na pinaniniwalaang shabu; isang brown sling bag na ginamit bilang lalagyan ng ilegal na droga; isang piraso ng Tea bag; isang unit ng digital weighing scale at buy-bust money.
Ang suspek ay nahaharap sa kasong oaglabag sa RA 9165 o Comprehensive Dangerous Drugs Act of 2002.
###
Panulat ni Patrolman Aivan Guisadio
