Hermosa, Bataan – Inilunsad ng 1st Bataan Provincial Mobile Force Company ang Talipapa Project para sa mga katutubong Aeta sa Hermosa Ecozone Industrial Park, Barangay Palihan, Hermosa, Bataan nito lamang Huwebes, Hulyo 14, 2022.
Ang naturang aktibidad ay kaugnay sa pagdiriwang ng ika-27th PCR Month na may temang: “Ugnayang Pulisya at Komunidad Tungo sa Mapayapa, Maayos at Maunlad na Pamayanan.
Ang nasabing proyekto ay pinangunahan ni Police Lieutenant Colonel Orlando L Castil Jr, Force Commander ng PMFC Bataan 1st Bataan PMFC at pinamunuan ni Police Colonel Romell A Velasco, Acting Provincial Director ng Bataan Police Provincial Office.
Ang nasabing proyekto ay may temang “Talipapa para sa mga Kapatid na Aeta Tulong Kabuhayan sa Panahon ng Pandemya”.
Ayon kay PLtCol Castil, laking pasasalamat ng mga katutubong Aeta sa PNP sa opurtunidad na mapansin ang kanilang produkto at matulungan silang maibenta sa mga residente ng nasabing lugar.
Dagdag ni PLtCol Castil, layunin ng nasabing proyekto na mabigyan ang mga katutubong Aeta ng hanapbuhay para pantustos sa kanilang pang araw-araw na pangangailangan lalo na ngayong panahon ng pandemya.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at ng komunidad.
Source:1st PMFC Bataan PPO
###
Panulat ni Police Corporal Jeselle V Rivera
