Davao Oriental – Arestado ang isang lalaki sa buy-bust operation ng PNP at PDEA sa Phase 3, Martinez, Brgy Dahican, Mati City, Davao Oriental, noong Hulyo 14, 2022.
Kinilala ni PLtCol Ernesto Gregore, Chief of Police ng Mati CPS, ang suspek na si Richard Laguidong, 33, residente ng Phase 3, Martinez, Brgy. Dahican, Mati City, Davao Oriental na tinaguriang Top 9 High Value Individual sa regional level.
Ayon kay PLtCol Gregore, naaresto ang suspek ng mga tauhan ng Special Drug Enforcement Unit ng Mati CPS katuwang ang PDEA Davao Oriental.
Dagdag pa ni PLtCol Gregore, nakuha mula sa suspek ang ilang pakete ng hinihinalang shabu at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang nasabing operasyon dahil sa matagumpay na pagkakaaresto ng HVI sa lungsod na maglalapit sa kanilang layunin na gawing drug free ang Rehiyong Onse.
###
Panulat ni Patrolman Alfred Vergara
