Marawi City – Nagsagawa ng Torel Visit ang mga tauhan ng Police Regional Office Bangsamoro Autonomous Region kaugnay sa katatapos lang na Eid’l Adha (Feast of Sacrifice) Celebration sa Saksi Torel Learning Center, Brgy. Cadayonan II, Marawi City nitong Hulyo 14, 2022.
Ang aktibidad ay pinangunahan ni Police Colonel Carlos Madronio, Chief, Regional Community Affairs and Development Division bilang kinatawan ni Police Brigadier General Arthur Cabalona, Regional Director ng PRO BAR kasama ang mga tauhan ng Lanao Del Sur Police Provincial Office sa pangunguna ni Police Colonel Jibin Bongcayao, Provincial Director; Regional Medical and Dental Unit BAR; Regional Mobile Force Battalion 14, Regional Police Community Affairs and Development Unit BAR at Salaam Police Advocacy Group.
Ayon kay PCol Madronio, kabilang sa aktibidad ang pamamahagi ng 20 pirasong sako ng bigas, 500 loot bags, food packs, damit at libreng tuli na isinagawa para sa mga estudyante ng nasabing Torel.
Dagdag pa, binigyang parangal din si Aleem Abdulnasser “Abu Aiman” Dimapinto, President, Lanao Tahfidhul Qur’an Federation and Foundation Incorporated.
Samantala, labis na tuwa at pasasalamat naman ang naging sukli ng mga bata sa mga natanggap nilang serbisyo mula sa ating mga kapulisan.
###
Panulat ni Patrolman Charlie Nasroden Corpuz
