President Roxas, Cotabato – Arestado ng mga tauhan ng PNP ang Top 4 Most Wanted Person sa kasong Rape sa Purok 7 Barangay Del Pilar, Magpet, Cotabato noong Ika-13 ng Hulyo 2022.
Kinilala ni PMaj Mautin Pangandigan, Acting Chief of Police ng President Roxas Municipal Police Station, ang suspek na si Jose Claridad Molase, 65, may asawa, magsasaka, at residente ng nasabing lugar.
Ayon kay PMaj Pangandigan, nakatanggap ng text messages mula sa concerned citizen na nakita si Molase sa Barangay Del Pilar, Magpet Cotabato kaya agad na pumunta ang mga tauhan ng President Roxas kasama ang Magpet MPS, RIU 12, CPPO PIU at HPG North Cotabato sa nasabing lugar.
Ayon pa kay PMaj Pangandigan, naaresto si Molase sa bisa ng Warrant of Arrest sa kasong Rape (Art. 266-A) Through Sexual Assault and Acts of Lasciviousness.
Binigyan papuri naman ng Police Regional Office 12 sa pamumuno ni PBGen Alexander Tagum, Regional Director ang patuloy na pakikipagtulungan ng mamamayan para sa kapayapaan at katahimikan ng SOCCSKSARGEN.
###
Panulat ni Patrolwoman Sherie-ann Masi
