Cebu City – Arestado ang isang babaeng trafficker at nasagip naman ang walong bata kabilang ang isang taong gulang na sanggol mula sa isang Cybersex Den sa Barangay Luz, Cebu City nito lamang Miyerkules, Hulyo 13, 2022.
Kinilala ni Police Colonel Ernesto Salvador T Tagle, Acting City Director ng Cebu City Police Office, ang suspek na si Marilou Sanchez Suson, residente ng Barangay Luz, Cebu City.
Isinagawa ang operasyon bandang 5:00 ng hapon ng mga tauhan ng Women and Children’s Protection Center (WCPC) Visayas Field Unit sa pangunguna ni Police Major Nino Lawrence Ibo; Women and Children’s Protection Desk ng Cebu City Police Office sa pangunguna ni Police Lieutenant Galil Aiza L Nacario, OIC, WCPD sa direktang pangangasiwa ni Police Lieutenant Colonel Maria Theresa Macatangay, at Regional Cybercrime Unit-Central Visayas sa pangunguna ni Police Colonel Ferdinand Raymund, C, RACU7 katuwang ang Department of Social Welfare and Development (DSWD) at mga Officials ng Brgy. Luz, Cebu City.
Ang suspek ay naarestosa sa Cabantan St., Brgy. Luz, Cebu City sa bisa ng Warrant to Search, Seize and Examine Computer Data No. 182-07-1122-11 na inisyu ni Hon. Ramon D Daomilas Jr. ng RTC Branch 11, Cebu City.
Ang mga nasagip ay tatlong babae at apat na lalaking menor de edad na edad mula 17 taong gulang pababa kabilang ang isang taong gulang na sanggol.
Dinala naman sa tanggapan ng DSWD-Central Visayas ang mga nasagip na menor de edad, na itinuturing na “child at risk.”
Kasong paglabag sa R.A. 9208 na inamendyahan ng R.A. 10364 o ang “Expanded Anti-Trafficking in Persons Act of 2012”; R.A. 7610 na inamendyahan ng R.A 9231 o ang ‘Elimination of the Worst Forms of Child Labor and Affording Stronger Protection for the Working Child”; at Republic Act 10175, o ang Cybercrime Prevention Act of 2002, ang isasampa laban sa suspek.
Ang Cebu City Police Office ay patuloy na pinoprotektahan ang mga bata mula sa pang-aabuso at pagsasamantala. Sinusuportahan ng pamunuan ng CCPO ang pagsugpo sa online na sekswal na pang-aabuso at child trafficking na bumibiktima sa mga menor de edad sa ating lipunan.
###
