Maguindanao – Nakiisa ang PNP sa isinagawang Clean-up Drive ng Local Government Unit ng Munisipalidad ng Talitay kaugnay sa ika-27th Police Community Relations Month sa Talitay, Maguidanao nitong Hulyo 13, 2022.
Aktibong nakilahok ang 1st Provincial Mobile Force Company sa pangunguna ni Police Lieutenant Colonel Assir Balindong, Force Commander kasama ang 1st Maguindanao PMFC sa pangunguna ni Police Major Allan Sabdula, Platoon Leader at Talitay Municipal Police Station.
Ang nasabing aktibidad ay pinasimulan upang isulong ang Clean and Green Project at malinis na kapaligiran para sa publiko lalo na ngayong panahon ng pandemya.
Nilalayon din nitong isali ang komunidad sa mga pangmatagalang hakbangin sa kapaligiran upang maiwasan at mabawasan ang epekto ng global warming sa mundo sa pamamagitan ng mga aktibidad na pangkalikasan tulad ng tamang pagtatapon ng basura at Clean-up Drive.
Ang PNP ay magpapatuloy sa mga ganitong aktibidad na naglalayong mapanatiling malinis, ligtas ang kapaligiran at mapababa ang masamang dulot ng polusyon sa kalikasan.
###
Panulat ni Patrolman Charlie Nasroden Corpuz
