Mambajao, Camiguin – Isinagawa ng Camiguin Police Provincial Office ang Provincial Simultaneous Coastal Clean-up Drive bandang 6:00 ng umaga sa Sitio Boloc-boloc, Poblacion, Mambajao, Camiguin nito lamang Hulyo 14, 2022.
Ang aktibidad ay pinangunahan ni Police Colonel Elias Hampac, Provincial Director ng Camiguin Police Provincial Office.
Ang layunin ng aktibidad ay panatilihing malinis ang dalampasigan mula sa mga basura tulad ng plastic bottles at mapreserba ang likas na ganda ng isla ng Camiguin.
Ito ang hakbang at tulong ng Camiguin PNP upang mapangalagaan ang kapaligiran na siyang pangunahing dahilan ng pagyabong ng turismo sa kanilang nasasakupan.
###
Panulat ni Police Staff Sergeant Grace Neville Ortiz
