Butuan City – Pormal ng sinimulan ng Police Regional Office 13 ang Taekwondo Summer Class for PNP Dependents na may temang “Sipa Kontra Droga” na ginanap sa Multi-Purpose Center ng Camp Col Rafael C Rodriguez, Butuan City nito lamang Martes, Hulyo 12, 2022.
Ito ay pinangunahan ni Police Brigadier General Romeo Caramat Jr, Regional Director ng PRO13 na nilahukan ng mga anak ng aktibong miyembro ng PNP na may edad 7-14.
Ang naturang aktibidad ay gaganapin sa loob ng 24-araw ang pagsasanay na papangasiwaan ng mga miyembro ng PNP Taekwondo Association, gayundin ng isang lisensyadong instructor at referee na naka-iskedyul mula Lunes hanggang Biyernes.
Layunin ng naturang aktibidad na palakasin ang pagpapahalaga ng mga bata sa kani-kanilang sarili, gayundin ang magkaroon sila ng self-control, disiplina at maging magalang.
“I commend all PNP Taekwondo Association Caraga members at the regional and provincial headquarters for the initiative of having this Summer Taekwondo Class. Thank you for your selfless service of sharing your talent and skills with these children,” pahayag ni PBGen Caramat Jr.
###
Panulat ni Patrolman Jhunel Cadapan/RPCADU13
