Sibulan, Negros Oriental – Nagsagawa ng bloodletting activity ang Negros Oriental Police Provincial Office bilang pakikiisa sa paggunita ng National Blood Donor’s Month at pagpapatupad ng “Blood Cop Project” na ginanap sa Camp Francisco C Fernandez Jr, NOPPO Chapel, Agan-an, Sibulan, Negros Oriental nito lamang Martes, ika-12 ng Hulyo 2022.
Ang nasabing aktibidad ay pinangunahan ni Police Colonel Germano P Mallari, Provincial Director ng NOPPO, katuwang ang mga Medical Staff ng Negros Oriental Provincial Hospital na pinamunuan ni Ms. Evelyn M Montebon, RMT, Provincial Blood Program Coordinator at Dr. Leiland Estacion, Provincial Health Officer ng Negros Oriental at ang nagpatupad ng “Blood Cop Project”.
Ayon kay Police Colonel Mallari, ang aktibidad ay kaugnay ng pagdiriwang ng ika-27th Police Community Relations Month at layunin nito na ipakita ang buong suporta ng PNP sa isang makabuluhang kaganapan na ginugunita ng buong bansa.
Ayon kay Police Colonel Mallari, may kabuuang 142 na blood donors na binubuo ng 82 PNP Uniformed Personnel na nagmula sa 25 Police Stations, 2 Non-Uniformed Personnel, 5 Police Personnel mula sa Maritime Group, 6 police personnel mula sa PMFCs, 15 sibilyan mula sa Treskillion (Tau Gamma), 16 na tao mula sa Skeptron (Akhro), 16 na sibilyan mula sa PNP Advocacy Support Groups.
Ang matagumpay na gawain ay isang malaking pribilehiyo at karangalan sa hanay ng Pambansang Pulisya at tiniyak ng buong pwersa ng Negros Oriental Police Provincial Office na kanilang ipagpapatuloy ang paghahatid ng maayos at tapat na serbisyo publiko.
###
