Jaro, Iloilo – Nasabat ang tinatayang Php1,156,000 halaga ng shabu sa PNP buy-bust operation nito lamang ika-12 ng Hulyo 2022.
Kinilala ni PLtCol Antonio P Benetiz Jr, Chief, RPDEU 6, ang mga naarestong suspek na sina Gian Paolo Badilla Riosa alyas “Paolo”, 39, single, isang college undergraduate at itinuturing na High Value Individual (HVI) at residente sa Poblacion Banate Iloilo ngunit kasalukuyang naninirahan sa Commission Civil St., Brgy. Benidicto Jaro Iloilo City at si Sachiko Gumata Nakata alyas “Che-che”, 33, babae, na isa namang Street Level Individual (SLI) at residente ng Brgy. Calumpang, Molo, Iloilo City.
Ayon kay PLtCol Benetiz Jr, nadakip ang mga suspek bandang 11:09 ng gabi sa Commission St., Brgy. Benidicto, Jaro, Iloilo City sa pinagsanib na pwersa ng Regional Police Drug Enforcement Unit 6, Station Drug Enforcement Team ng Iloilo City Police Station at Philippine Drug Enforcement Agency, Regional Office 6.
Ayon pa kay PLtCol Benetiz Jr, nahuli ang dalawa matapos silang magbenta ng isang pakete ng hinihinalang shabu na nagkakahalaga ng Php20,000 sa isang police poseur buyer na nagresulta sa agad nilang pagkakaaresto.
Dagdag pa ni PLtCol Benitez Jr, nakuha sa kanila ang 22 pirasong medium heat-sealed transparent plastic sachet, dalawang piraso ng big heat-sealed transparent plastic sachet na parehong naglalaman ng puting crystalline substance na hinihinalang shabu at tumitimbang ng 175 grams na nagkakahalaga ng Php1,156,000, dalawang yunit ng cellphone, isang pouch, kulay navy blue na mini volt box, mga drug paraphernalia at buy-bust money.
Ang mga akusado ay nahaharap sa kasong paglabag sa R.A. 9165 o ang Comprehensive dangerous Drugs Act of 2002.
Sinisiguro ng PNP Iloilo na paiigtingin ang operasyon nito laban sa ilegal na droga upang agad na masakote ang mga taong lumalabag sa batas.
###
