Camaligan, Camarines Sur – Tinatayang Php374,000 halaga ng droga ang nakumpiska sa drug buy-bust operation ng Camarines Sur PNP at PDEA- CamSur nito lamang Miyerkules, Hulyo 13, 2022.
Kinilala ni Police Colonel Bernardo Perez, Provincial Director ng Camarines Sur Police Provincial Office, ang nasakoteng mga suspek na mag live-in partner na sina Jeffrey Zorilla y Oreta, 46 at Fairly Rose Margallo y Diano, 36, dentista at parehong residente ng Zone 4, Barangay Tarosanan, Camaligan, Camarines Sur.
Ayon kay PCol Perez, naaresto ang mga suspek bandang 11:32 ng umaga sa nabanggit na lugar ng pinagsanib na pwersa ng mga operatiba ng Provincial Intelligence Unit-CamSur, Camaligan Municipal Police Station at Philippine Drug Enforcement Agency-CamSur.
Ayon pa kay PCol Perez, nakumpiska mula sa mga suspek ang 55 na gramo ng hinihinalang shabu na nagkakahalaga ng Php374,000.
Mahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Patuloy ang ugnayan ng PNP Bicol at PDEA Region 5 sa paglulunsad ng mga operasyon upang tuluyan ng itakwil at linisin ang rehiyon mula sa presensya ng ilegal na droga.
Source: KASUROG Bicol
###
Panulat ni Patrolman Rodel Grecia
