Puerto Princesa City, Palawan – Narekober ang mga kagamitan ng CTGs sa isinagawang Internal Security Operations na mga tauhan ng Puerto Princesa City Police Office (PPCPO) sa Brgy. Tagabinet, Puerto Princesa City, Palawan noong Hulyo 12, 2022.
Kinilala ni Police Colonel Roberto Buccad, Acting City Director ng PPCPO na ang mga CTGs ay kasapi ng Bienvenido Vallever Command Palawan.
Narekober sa operasyon ang isang unit ng Bushmaster Caliber 223-5.56MM (MOD. XM15-E2S with Magazine),12 piraso na live ammunitions para sa M16, walong piraso na NPA sweat shirts, pitong piraso na pantalon, limang piraso ng sumbrero, tatlong piraso ng pulang panyo at dalawang tinta ng printer.
Ayon kay PCol Buccad naisakatuparan ang pagkakarekober sa mga kagamitan ng mga CTGs dahil sa pakikipagtulungan ng komunidad sa kapulisan.
Layunin ng PNP na mas paigtingin pa ang pagpapatrolya upang mapanatili ang katahimikan sa ating bansa.
Source: Puerto Princesa City Police Office
###
Panulat ni Patrolman Erwin Calaus
