Socorro, Surigao del Norte – Kumpiskado ang tinatayang Php400,000 halaga ng shabu sa buy-bust operation ng PDEA at Caraga PNP sa Surigao del Norte na nagresulta ng pagkaaresto ng dalawang suspek nito lamang Miyerkules, Hulyo 13, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang dalawang nadakip na sina Jerry Vertical, 51, at Jelmar Gambing, 49, na parehong residente ng Purok 2, Brgy. Navarro, Socorro, Surigao del Norte.
Ayon kay PBGen Caramat, bandang 6:30 ng umaga nang isagawa ang operasyon sa nabanggit na lugar ng mga operatiba ng Philippine Drug Enforcement Agency (PDEA)-Regional Office 13, Surigao del Norte PPO, Dinagat Islands PPO, Provincial Drug Enforcement Unit ng Surigao del Norte PPO at Socorro Municipal Police Station.
Nakumpiska mula sa dalawang suspek ang 11 pirasong heat-sealed transparent plastic sachets na naglalaman ng humigit-kumulang 50-gramo ng hinihinalang shabu na may tinatayang halaga na Php400,000, isang keypad phone at isang pirasong Php1,000 bill bilang marked money at pitong pirasong Php1,000 bill bilang boodle money.
Nahaharap ang dalawa sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
“This success is attributed to the strong collaboration between the PDEA13 and PNP Caraga, who are both committed to significantly reduce or eradicate the drug menace in the community,” pahayag ni PBGen Caramat Jr.
###
Panulat ni Patrolman Jhunel Cadapan/RPCADU13
