Candelaria, Quezon – Arestado ang isang Top 2 Most Wanted Person (Provincial Level) sa kasong Statutory Rape sa isinagawang operasyon ng Quezon PNP nito lamang Lunes, Hulyo 11, 2022.
Kinilala ni Police Colonel Joel A Villanueva, Provincial Director ng Quezon Police Provincial Office, ang suspek na si Sonny Buena Cordez, 51, at residente ng Sitio Sampalok Lakers, Brgy. Malabanban Norte, Candelaria, Quezon.
Ayon kay PCol Villanueva, bandang 5:11 ng hapon naaresto ang suspek sa nabanggit na lugar sa isinagawang joint operation ng Candelaria Municipal Police Station at 1st Quezon Provincial Mobile Force Company sa bisa ng Warrant of Arrest para sa kasong Statutory Rape na walang inirekomendang piyansa.
Ang tagumpay ng PNP laban sa mga taong may pagkakasala sa batas ay bunga ng pinaigting na pakikipagtulungan at suporta ng mamamayan para mapanatiling maayos at ligtas ang komunidad.
Source: Candelaria Municipal Police Station
###
Panulat ni Police Corporal Ronel Pabo
