Cajidiocan, Romblon – Nagsagawa ng Tree Planting Activity ang mga tauhan ng Cajidiocan Municipal Police Station sa Sitio Agubhay Brgy. Cambajao, Cajidiocan, Romblon noong Hulyo 10, 2022.
Kabilang sa nakilahok ang mga Advocacy Support Group, Kabataan Kontra Droga at Terorismo, Barangay Peacekeeping Action Teams, Barangay Health Workers, miyembro ng Sibuyan Mangyan Taga-Bukid, Drug Surrenderers at mga Barangay Officials ng Brgy. Cambajao.
Ayon kay Police Captain Mary Jade Gaca, Acting, Chief of Police ng Cajidiocan MPS umabot sa 75 punla ng kawayan ang naitanim ng mga grupo sa nasabing barangay.
Ang aktibidad ay naglalayong itaas ang kamalayan sa lipunan sa kahalagahan ng pagtatanim ng puno, ipahayag ang pagmamalasakit sa kapaligiran at bawasan ang hindi magandang epekto ng pagbabago ng klima.
Source: Cajidiocan Mps
###
Panulat ni Patrolman Erwin Calaus
