Calatrava, Romblon – Nagsagawa ng Community Outreach Program ang mga tauhan ng Calatrava Municipal Police Station sa Barangay San Roque, Calatrava, Romblon nito lamang Hulyo 11, 2022.
Ang naturang aktibidad ay pinangunahan ni Police Lieutenant Nanette Pablico, Officer-in-Charge ng Calatrava MPS kasama ang mga miyembro ng Lingkod Bayan Advocacy Support Groups, tulad ng Women Sector, Kabataan Kontra Droga at Terorismo, Faith-Based Group, LGBTQ at Brgy. Officials ng Calatrava, Romblon.
Nagsagawa ng feeding program at namahagi ng facemask at tinatayang nasa 60 na bata at magulang ang nakinabang sa naturang programa sa nasabing lugar.
Ang aktibidad ay naglalayong magbigay ng mahahalagang pangangailangan sa komunidad sa panahong ito ng pandemya at bumuo ng isang matibay na ugnayan sa pamamagitan ng pagbibigayan at pagtulong sa isa’t isa.
Source: Calatrava MPS
###
Panulat ni Patrolman Jorge Michael C Bardiago
