Southern Leyte – Nakiisa ang 1st Southern Leyte Provincial Mobile Force Company (SLPMFC) sa pagdiriwang ng Eid Al-Adha 2022 sa pamamagitan ng pagsasagawa ng Community Outreach Program sa Brgy. Zone IV, Sogod, Southern Leyte noong Sabado, Hulyo 9, 2022.
Ang programa ay dinaluhan ni Imam Johaiver Tanoga Michael at ng mga kabataang Muslim kasama ang kanilang mga magulang na nakatanggap ng masustansyang pagkain.
Ang aktibidad ay pinangunahan ni Police Lieutenant Geraldo Benjamin A Avengoza, Force Commander ng 1st SLPMFC kasama ang Community Affairs Section Team sa pamumuno ni Police Chief Master Sergeant Emler Castillon.
Kaugnay din ito sa 27th Police Community Relations Month Celebration na may temang “Ugnayan ng Pulisya at Komunidad Tungo sa Mapayapa, Maayos at Maunlad na Pamayanan.”
Layunin ng naturang aktibidad na ipakita ang pakikiisa ng hanay ng kapulisan sa pagdiriwang ng banal na buwan para sa mga kapatid nating Muslim.
Ito rin ay naglalayong bumuo ng mas malakas na ugnayan sa pagitan ng pulisya at ng Muslim Community.
###
Panulat ni Patrolwoman Rialyn B Valdez
