Carmen, Bohol – Nagsagawa ng Community Outreach Program ang mga tauhan ng Carmen Municipal Police Station sa Barangay El Progreso, Carmen, Bohol nito lamang ika-9 ng Hulyo 2022
Ang aktibidad ay pinangunahan ni Police Lieutenant Ranulfo Butcon Acilo, Deputy Chief, na pinangangasiwaan ni Police Captain Romar Tuppal Labasbas, Officer-in-Charge at mga tauhan ng Carmen Police Station.
Ang naturang aktibidad ay kaugnay sa kanilang pakikiisa sa ika-27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad ng Pamayanan”.
Lubos naman ang pasasalamat ng mga magulang ng mga bata dahil sa lubos na saya ang naramdaman ng kanilang mga anak sa isinagawang Feeding Program at pamimigay ng mga school supplies na magagamit ng mga bata sa kanilang pag-aaral.
Layunin ng Carmen PNP na ipadama ang malasakit at pagmamahal ng Pambansang Pulisya sa komunidad upang mapatibay ang naumpisahang magandang ugnayan.
###
Panulat ni Carl Philip L Galido
