Boac, Marinduque – Nagsagawa ng Community Outreach Program ang mga tauhan Marinduque Police Provincial Office sa Brgy. Tanza, Boac, Marinduque nito lamang Sabado, Hulyo 9, 2022.
Ang aktibidad ay pinangunahan ni Police Lieutenant Colonel Elmer Manalo, Chief, Police Community Affairs and Development Unit sa Marindique PPO, kasama ang mga tauhan ng Boac MPS, Iskolar ng Bayan (Boac) at Boac Morion Matikas Eagles Club .
Ayon kay PLtCol Manalo, ang aktibidad ay kaugnay sa pagdiriwang ng Eid al-Adha o Festival of Sacrifice at ng 27th PCR Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Namigay ang grupo ng food packs, health kits, school supplies at libreng gupit sa mga kapatid nating muslim at binigyan din ang mga ito ng PNP Advocacy Support Group certificates at ID.
Layunin ng aktibidad na ito na palakasin ang diwa ng bayanihan sa pagtulong sa kapwa, lalo na ngayong panahon ng pandemya.
Source: Marinduque PPO
###
Panulat ni Patrolman Erwin Calaus
