Bacolod City – Tinatayang Php523,600 halaga ng shabu ang nasabat sa tatlong suspek sa PNP buy-bust nito lamang ika-10 ng Hulyo 2022.
Kinilala ni Police Colonel Thomas Joseph Martir, City Director ng Bacolod City Police Office, ang suspek na sina Cyril Gepielago y Makilan alyas “Toto Cyril”, 49, Julius Londres y Ambrosio alyas “Pioky”, 42 at Pearly Mae Panes y Llenos alyas “Liming”, 30, na parehong mga residente Purok Kapawa, Brgy. Punta Taytay, Bacolod City, Negros Occidental.
Ayon kay PCol Martir, bandang alas 2:00 ng umaga naaresto ang mga suspek sa Purok Kapawa, Brgy. Punta Taytay, Bacolod City, Negros Occidental ng mga operatiba ng City Drug Enforcement Unit.
Ayon pa kay PCol Martir, nakumpiska sa mga suspek ang 20 piraso ng heat-sealed transparent plastic sachet ng hinihinalang shabu na may timbang na 77 gramo na nagkakahalaga ng Php523,600, isang piraso ng Php1000 bill marked money, isang piraso ng sling bag, isang piraso ng coin purse at Php200 na buy-bust money.
Nahaharap ang mga suspek sa paglabag sa Republic Act 9165 o Comprehensive Dangerous Drugs Act of 2002.
Sinisiguro ng Bacolod City Police Office na paiigtingin ang operasyon nito upang agad na mahuli ang mga taong lumalabag sa batas.
###
